رسالة الى قلوب تشعر أنها تعيسة

　
　السلام عليكم و رحمة الله و بركاته

رسالة إلى قُلوبٍ تشعرُ أَنها تعيسة
　
حلوة إنتِ يا دنيا ..
حلوة لما نعيشك و البسمة عارفة طريقها لوجوهنا
حلوة هدنيا بتصير لما نحلي بالسكر نظرتنا إلها و نلونها بألوان كلها أمل و فرحة ..
ألوان بتعطينا نور و حياة متل شروق شمس جديدة

حلوة لما نعيشها و أحنا مُطيعين لربنا و حامدينه بكل فرحة و مصيبة

حلوة هدنيا لما نسعى لحتى نحقق طموحات و أحلام ..
نجتهد و نوصل قمم النجاح و نمشي على درب الأمان و السلام و الطريق المستقيم
حلوة .. لما نعيش الحاضر .. ما نشغل بالنا بمستقبل ..
و لا ذاكرتنا بماضي انتهى و خلِصنا ..

ليه لحتى نتمنى الموت يعجل بجيتو و هو مصيرنا إلي ما منو مهرب..؟
ليه لحتى نعيش بسواد و ضوء النهار معبي المكان..؟
ليه لحتى نقَضي عمرنا خايفين من بكرة .. و ننسى حاضر عايشينو لسى..؟
ليه ما نقابل كل دمعة ببسمة..؟
و كل وجع و آلم ببسمة و أمل بأنو الجاي أحلى..؟
ليه لحتى نغرق بتعاسة و إحنا بنقدر نكون أفضل و حياتنا فيها تكون أفضل ..؟
ليه نسكت عالظلم و إحنا بنقدر نطالب بحقنا و نرفع صوتنا ضده..؟
ليه نرفض نسامح و نعفو و الله بجلالته و عظمته بسامح و بعفو..؟
ليه ما نتعلم أنه فشلنا مرة ما بيعني فشل كل مرة و أنه نوقع مرة درس - و لو كان صعب و مؤلم - كيف نمشي صح تاني مرة..؟

ما في حال بدوم و ما في حزن على طول ..
ما في دمع و آه بكل لحظة ..
فـ ليه لحتى نعيش و إحنا مو عاملين شي..؟
ليه لحتى نعيش و وجودنا أو عدمه ما بفرق..؟
سألتو حالكو ولا السؤال كان إلي من قبلكو ..؟

الدنيا مو مستاهلة لحتى نقَضيها نكد و ضيق
مو مستاهلة نركض وراها لحتى نطلب رضاها..!
و الآخرة هي الأهم و المُستقر .. بس كمان ما بيعني نعيش دنيا بنكد و غم و هم..!
عنا اليوم و عنا بكرة .. و الظن و التفاؤل بالخير بجيب الخير

الحكي سهل و القوة بالتنفيذ .. إن ما ساعدنا حالنا فمين بقدر يساعدنا نوقف من جديد..؟



كلمات كتبتها بالعامية بقصدٍ مني ..
لتدخل قلوبكم بشكلٍ أسهل و أسرع ..
و ليصل ذاك المعنى الذي غفلنا عن تذكره اياماً مقدارها كبير أو صغير ..


ما أتمناه فقط أن تُفهم مثل ما أردت لها ذلك و شكراً.



رآق لي آرجو آن يروق لكم

يعطيك الف عاافيه على الموضوع

كلامك صحيح الدنيا ليست مهمه بل الاخره

ولكن احيانا تحدث مواقف للإنسان

تجعله حزين كفقدان شخص عزيز عليه

او مفارقه اعز اصدقائه

على العمووم شككرا لك

مشكوورين ع المرور
نورتووا موضوعي بمروركم العطر

العفو ولو
نورتي بمرورك العطر

تسلمي حبيبتي ع الكلام الرائع

بانتظار المزيد من ابداعك الجميل ..


تسونادي ساما

مرورك الأرووع و الأجمل
نورتي بمرورك حياتي