منتديات ناروتو الشبح






 
الرئيسيةالموقعاليوميةس .و .جبحـثالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
فعاليات المنتدى


المواضيع الأخيرة
» نقد نظرية داروين عن سر الحياة
الثلاثاء سبتمبر 01, 2015 3:17 am من طرف ناروتو الشبح

»  ^ من 1- 5 لمين تهدي الجالكسي ^
الخميس مارس 19, 2015 5:39 am من طرف Violet

» عد للخمسة وسافر مع إلي تبي
الجمعة أكتوبر 10, 2014 1:46 pm من طرف Areejx

» اللي يوصل لرقم (8) هو اطيب فلب بالمنتدى
الجمعة أكتوبر 10, 2014 1:44 pm من طرف Areejx

» من 1 الى 4 واختار عضو يقعد معاك على البحر
الثلاثاء أكتوبر 07, 2014 7:17 pm من طرف Areejx

» لعبة الاسامي
الإثنين أكتوبر 06, 2014 11:33 pm من طرف Areejx

» افضل طرق المذاكرة
الإثنين أكتوبر 06, 2014 11:28 pm من طرف ناروتو الشبح

» لعبة ايرون مان
الإثنين أكتوبر 06, 2014 11:18 pm من طرف ناروتو الشبح

» اضحك من كل قلبك
الإثنين أكتوبر 06, 2014 11:11 pm من طرف Violet

أفضل 10 أعضاء في هذا المنتدى
ناروتو الشبح
 
Violet
 
Areejx
 
الروح النبيله
 
روك لي & سانجي
 
ساحر القرن الأخير
 
ملاك الروح
 
الجحيم الاسود
 
عبد الله
 
بنت الشاطئ
 
.: عدد زوار المنتدى :.
.: عدد زوار المنتدى :.

            

شاطر | 
 

 افضل طرق المذاكرة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ناروتو الشبح
"" نينجا الادارة ""



المشاركات : 1756
ذكر
التقييم : 31829
البلد : مصر
العمر : 20
الهواية :
المهنة :
الإنمي المفضل :
الاوسمة :


مُساهمةموضوع: افضل طرق المذاكرة   الإثنين أكتوبر 06, 2014 11:28 pm

بسم الله الرحمن الرحيم
 
قامت إحدي المنظمات التعليمية بإحصاء لجميع طرق المذاكرة لإختيار أفضل طريقة للمذاكرة
وكانت هذه الطريقة كالآتي :
 
1- قراءة الدرس أو الموضوع قراءة شاملة
يعني إية بقا قراءة شاملة ! ؟
يعني ما تحاولش تفهم أي حاجة من الموضوع في الخطوة دي
(كإنك بتقرأ جرنال بالظبط )
يا جدع هوا في حد بيركز وهوا بيقرا الجرنال
المهم الدرس أو الموضوع كلو اتقرا قراية سريعة
ودا طبعاً ما ياخدش منك عشر دقايق علي بعض
طب إية الغرض من الخطوة دي طالما أنا مش هفهم حاجة ! ! !
بكل بساطة الغرض هوا إنك تلم إلمامة بسيطة بمحتوي الموضوع
( يعني عشان تعرف الموضوع بيدور حوالين إية )
وأقسم بالله إنك في الخطوة دي ممكن تستوعب أكتر من 20 % من الدرس
نتنقل للخطوة التانية






2- تحديد النقاط الأساسية للموضوع
( يعني العنواين الجانبية يا كابتن )
ونقدر بردوا نسمي الخطوة دي بإسم تاني وهو
تقسيم الدرس إلي فقرات
ونلاحظ إن في الخطوة دي إحنا بنسهل علي نفسنا كتير أوي أوي
لأنك بتخلي الدرس الكبير أصبح عدة فقرات قصيرة يسهل مذاكرتها
 
تمام كده يا عم الحاج نخش بقا علي اللي بعدها
 
3- التلخيص
في الخطوة دي بقا حضرتك هتستوعب 50% من الدرس
تبدأ في تلخيص الدرس ودا بيخليك تقلل حجم الدرس أوي
وطبعاً هيسهل المذاكرة عليك كتييير
 
لحد كدة والله يبقي 100 100
 
4- استخدام الألوان في المذاكرة
وفي مذاكرة الثانوية العامة الألوان مهمة أوي في المذاكرة
طب لية ؟
عشان معظم الجمل اللي حضرتك هتحددها بالألوان هتفتكرها بسرعة
هتفتكرها بقا سواء كنت في الإمتحان أو لو جيت تراجع مرة تانية في نهاية الأسبوع
والمراجعة مهمة جداً جداً
يا عم الباش مهندس ما تجننيش المراجعة كمان مهمة !!!!!!!!!!!!!!!!
أيوة يا باشا مهمة أوي عشان أساساً إحنا ربنا سمي كل واحد فينا بإسم ((( الإنسان )))
والكلمة دي مشتقة من ((( النسيان )))
وعشان كدة يبقي مافيش حد في الدنيا دي ما بينساش
وطبعاً إحنا بعد مجهود المذاكرة دا كلو مش محتاجين ننسي بسرعة
وعشان نفضل فاكرين يبقي عليك وعلي المراجعة يوم الجمعة
(( ولازم تراجع علي كل الدروس اللي ذاكرتها قبل كدة ))
يا رب أكون أقنعتك
 
وبعد الألوان والكلام دا كلو نروح للخطوة الخامسة
 
5- تنويع أسلوب المذاكرة
يعني إية ؟
يعني في المذاكرة ما تستخدمش القراءة بس
أو الكتابة بس
لا ... لا ... لا
حضرتك لازم تشغل أكبر قدر من الحواس بتاعتك
يعني تقرأ اللي بتكتبوا
وبكده تكون إستخدمت :
النطق
الكتابة
والسمع ( ما انتا هتسمع اللي بتنطقوا )
والنظر ( ما انتا طول ما انتا بتذاكر عينك في الكتاب )
 
ننتقل للخطوة السادسة
 
6- التدريبات
بعد ما تذاكر يا عم وتخلص الدرس كلو
عليك وعلي تدريبات كتاب الوزارة الأول
( بيجي منو نص الامتحان رأفة بالطلاب اللي مامعاهمش يجيبوا كتب خارجية )
وبعدين تبدأ تحل بقا من الكتب الخارجية وياريت ما تسبش سؤال إلا لما تحلوا
( السؤال اللي ما تعرفهوش إرجع للدرس علي طول وشوف هوا موجود في أنهي جزء من الدرس وذاكر الجزء دا تاني )
وما تنساش تحل السؤال بردو ,.. ههههههه
 
وبكدة تكون الخطوات بتاعة المذاكرة خلصت
ندخل بقا علي بعض النصائح الشخصية
( دي من تجربتي الشخصية والله )
 
بعض النصائح اللي تساعد علي الفهم الجيد أثناء المذاكرة :
 
1- لازم يا مان توفر الجو المناسب قبل ما تذاكر 

( يعني الحجرة متروقة حواليك والترابيزة نضيفة وأدامك الكتاب اللي هتذاكر منوا والكشكول اللي هتذاكر فيه والكام لون اللي قولنا عليهم )

 
2- لازم تكون إنتا مرتاح نفسياً يعني رايق من الأخر 

( حاول وإنتا بتذاكر ما تشغلش نفسك بأي حاجة غير المذاكرة ولو حصل والشيطان رمالك فكرتين كدة ولا تلاتة عشان يشغلك حاول تخلص منهم بسرعة وترجع تاني لمذاكرتك )

 
3- كتر بقا وانتا بتذاكر من السوائل 

( زي المياه والعصير وكدة يعني )

 
4- بعد كل ساعة أو ساعة ونصف كدة خدلك قسط من الراحة 

( بس ماتطولش أوي يا معلم أصل أنا عارف المصريين ما بيصدقوا يعني هما 10 دقايق كدة ولا ربع ساعة حتي وبعدين إرجع للمذاكرة تاني )

 
5- أحسن وقت بقا تذاكر فيه بعد الفجر 

( يا سلالالالالالالالالالالام علي بعد الفجر دة الواحد بيبقا حاسس إنوا عايش لوحدوا في الدنيا دي والله يا جدع )

 
6- لما تيجي تحفظ فقرة في المواد اللي بتتحفظ دي 

( راجع علي الفقرة كذا مرة وحاول وانتا جاي تقولها تالت مرة كدة تقولها بالبلدي دا ممكن يثبت الحفظ شوية )

 
7-مافيش مانع إنك تقوم تتمشي وإنتا جاي تحفظ حاجة ( المشي بيساعد علي الحفظ بردوا )
 
8- وإنتا بتذاكر كدة ماتنساش تحط سؤال أو سؤالين علي كل فقرة 0 أصل دا بيساعد علي تثبيت الفهم بردوا
 
9- لو شعرت بالتعب أو الملل من المذاكرة يبقي هِسسسسسسسسسسس يا عم الحاج

( معلش علي كلمة هِس دي أنا بهزر )

أنا قصدي يعني يبقي خلاص بطل مذاكرة وقوم كدة إتوضا وصلي ركعتين وبعدين إرجع للمذاكرة تاني

 
10- لو هتذاكر كذا مادة يبقي لازم تبدأ بالمواد اللي بتحبها الأول وتسيب الرخم للأخر
 
11- ما تذاكرش بالليل ( أصل السهر مش حلو علشانك يا كوتوموتوا )

ولو حصل وذاكرت بالليل ( ما تفضلش بقا طول الليل تئربع في شاي وقهوة عشان طاقة حضرتك )

( وعشان ما تبقاش مدمن يا كابتن )

( أنا طبعاً قصدي مدمن شاي وكافيين أصدي قهوة )

 
12 - وأخر نصيحة ليا هي إنك تصاحب شلة كويسة كدة تيجي تنده عليك عشان الدرس والمدرسة والصلاة 

مش عشان السايبر والنت واللعب والكووورة












وأرجوا ان أنا أكون افدتكم
وبردوا لو أي حد عندوا طريقة تانية حلوة للمذاكرة
أو عندوا أي تعليق علي كلامي
يتفضل وأنا عمري ما بعزل من حد لأن ما فيش حد ما بيغلطش
 
والسلام عليكم ورحمة الله وبركاته





الرجوع الى أعلى الصفحة اذهب الى الأسفل
http://ual8.yoo7.com
 
افضل طرق المذاكرة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ناروتو الشبح :: 
(¨`•.¸`•.¸ ثقافة و علــوم ¸.•'¸.•'¨)
 ::  ◄ علوم و معرفة
-
انتقل الى:  
***** التبادل النصي *****
مرحبا بك فى منتدانا ارجو ان تقضوا اسعد اوقاتكم للملاسلة اتصل بنا